Vetting, certifikime sigurie dhe korrupsioni për titullarët e funksioneve publike nga një bord ndërkombëtar, ka propozuar kandidati për president nga BDI dhe shef aktual i diplomacisë Bujar Osmani. Ai deklaroi se pjesë e platformës së tij është edhe kërkesë për të pasur një vetting (verifikim) për titullarët e funksioneve publike, të kryer përmes një bordi ndërkombëtar që do të përbëhet nga përfaqësues nga NATO, BE dhe SHBA, shkruan DW në gjuhën maqedonase, përcjell KDP.
“Një pjesë e platformës sime si president do të përfshijë vettingun për të gjithë bartësit e funksioneve publike. Çfarë do të thotë ajo? Një bord ndërkombëtar që do të certifikojë mbajtësit e funksioneve publike në dy drejtime. Së pari në siguri – a kanë lidhje me interesat ruse dhe së dyti – me korrupsion dhe krim të organizuar”, ka thënë Osmani në emisionin “Rubikon” të Klan Kosovës, transmeton MIA.
Osmani sqaron se do të kërkojë që në atë bord të jenë përfaqësues të NATO-s, për shkak të çështjes së sigurisë, por edhe të BE-së dhe SHBA-së.
“Ky bord do të duhet të certifikojë çdo bartës të zyrës, duke filluar nga ne”, tha Osmani.
Osmani ka filluar fushatën presidenciale me duke moton “Jo Rusisë, Po Evropës”. Futja e një rrëfimi të tillë, së bashku me idetë për vettingun, has në kritika edhe në partitë opozitare të shqiptarëve të bashkuar në koalicionin VLEN.
“Bujari propozoi një bord ndërkombëtar vetingu të përbërë nga SHBA, BE dhe NATO. Po, po, i njëjti Bujar që bën fushatë me Ramiz Merkon në njërën anë dhe Teuta Arifin në anën tjetër”, kritikon Arben Fetai, nga Aleanca për Shqiptarët e Arben Taravarit, duke i kujtuar pse një person është në listën e zezë amerikane për korrupsion aktiv dhe pse personi tjetër refuzohet si ambasador nga BE dhe SHBA.
“I njëjti Bujar që votoi në Qeverinë RMV-së për t’i dhënë një pasaportë oligarkut rus Onyshchenko, gjithashtu në listën e sanksioneve të SHBA, dhe qeveria e të cilit u dha pasaporta qindra trafikantëve ndërkombëtarë të drogës, duke kërcënuar sigurinë e SHBA, BE dhe NATO-s”, shkruan Fetai.
Deklarata e Osmanit ka nxitur reagime edhe nga kryetari i VMRO-DPMNE-së, Hristijan Mickoski.
“Unë nuk mendoj se dikush është më aq naiv që të bjerë pas këtyre trukeve të lira të shfaqjes” tha Mickoski në TV Klan.
Sipas Mickovskit, BDI mendon se në këtë mënyrë do të imponojnë një temë në opinion ku secili do të përcaktohet nëse është për Rusinë, kkundër Rusisë, për BE-në dhe kundër BE-së.
“Historikisht, ndikimi rus në Maqedoni mund të jetë më i vogli në Ballkan. Kjo është e para. Së dyti, në aspektin historik, qytetarët e Maqedonisë janë një nga ata në Ballkan që e shohin të ardhmen e tyre në kuadër të BE-së. Qytetarët e Maqedonisë bënë ndoshta më së shumti nga të gjitha kombet në Evropën Lindore për të qenë pjesë e atij Bashkimi Evropian, dhe fakti që ne nuk jemi atje është një çështje krejtësisht e ndryshme. Më së shumti për shkak të atyre bllokadave joparimore që i kemi pasur nga fqinjët tanë, e më pas nga politikanët kriminalë që e kanë udhëhequr Maqedoninë deri më tani”, tha kryetari i VMRO-DPMNE-së.