Parisi u emërua qyteti më i mirë për bizneset fillestare (start-ups), i ndjekur nga Madridi dhe Barcelona, në një raport të ri nga kompania e trajnimit me bazë në Mbretërinë e Bashkuar, The Knowledge Academy, raporton Euronews, përcjell KDP.
Qytetet e ndryshme në këtë renditje kanë fituar pikët e tyre në një shkallë 0-10 të gjykuar nga numri i hapësirave të disponueshme për zyra, çmimet e qirave, afërsia e universiteteve më të mira, shpejtësia e internetit (Mbps) ndër të tjera. Megjithatë, raporti nuk mori parasysh sfondin rregullator, burokracinë apo taksat.
Franca doli shumë mirë në këtë renditje, me dy qytete në top pesëshen, ndërsa Spanja dominon tre vendet e para me dy qytete. Londra renditet në vendin e katërt.
Sipas raportit, Parisi, shtëpia e disa prej universiteteve më të mira të Evropës dhe mjediseve të zyrave, ka “mbështetje nga qeveritë dhe një ekosistem fillestar të zhvilluar mirë”.
Lyon, qyteti i tretë më i madh në vend dhe gjithashtu një qendër e madhe universitetesh, u rendit në vendin e pestë më të mirë për të filluar një biznes, i mbështetur nga një nga shpejtësitë më të shpejta të internetit në Evropë.
Madridi, kryeqyteti i Spanjës, fitoi një renditje të lartë për shkak të internetit të shpejtë dhe numrit të zyrave të disponueshme. Qyteti tjetër spanjoll në mesin e tre më të mirëve, Barcelona, ka ndërtuar reputacionin e tij gjatë dhjetë viteve të fundit si qendra më e madhe e teknologjisë në Evropën Jugore.
Londra, duke qenë një qendër financiare me avantazhe të tjera, ka përqendrimin më të madh të inkubatorëve të biznesit, ndërkohë që mburret me numrin më të madh të universiteteve në Top 250 në Evropë dhe hapësira të bollshme zyrash.
Kryeqyteti i Mbretërisë së Bashkuar ka më së shumti zyra si dhe qiratë më të larta, ndërsa interneti është më i shpejtë në Lyon, transporti publik është më i aksesueshëm në Paris dhe rezultati mesatar më i lartë universitar është i disponueshëm në Manchester, MB, sipas raportit.
Zgjedhja e vendndodhjes së duhur është thelbësore, “ju duhet të konsideroni rrethinën tuaj si një faktor kyç në suksesin e tij,” tha Talveer Sandhu në The Knowledge Academy.