Shtypi serb njofton se në prag të takimit të së hënës në Bruksel, ndërmjet presidentit serb, Aleksandar Vuçiq, dhe kryeminitrit të Kosovës, Albin Kurti, liderët e tre shteteve evropiane i kanë shkruar kreut të shtetit serb.
Siç njoftoi Radio Televizioni i Serbisë (RTS), Presidenca ka pranuar një letër të firmosur nga presidenti francez Emmanuel Macron, kancelari gjerman Olaf Scholz dhe kryeministrja italiane Giorgia Meloni. Përmbajtja e letrës nuk dihet,- tha RTS.
Vuçiq duhet të marrë pjesë në një raund të ri të dialogut ndërmjet Beogradit dhe Prishtinës në Bruksel të hënën, më 27 shkurt. Dialogu zhvillohet nën kujdestarinë e Bashkimit Evropian dhe me mbështetjen e fuqishme të Shteteve të Bashkuara të Amerikës, njofton kdp.mk.