E mërkurë, 24 Korrik, 2024

THE ECONOMIST: JETA NË 2020-at ËSHTË MË E VËSHTIRË

Duket se pandemia ishte vetëm hyrje në periudhën e jetës së vështirë edhe për shoqëritë më të zhvilluara. Sipas The Economist, në shumicën e vendeve të zhvilluara, pandemia krijoi rënien më të madhe të jetëgjatësisë që nga Lufta e Dytë Botërore.

“Një konflikt vdekjeprurës në Ukrainë po rrit koston e gjithçkaje, nga energjia deri te një copë bukë. Dhe mes të gjitha sfidave akute, ato afatgjata nuk janë zhdukur: ndryshimi i klimës është një kërcënim në rritje, siç tregojnë thatësirat rekord, valët e të nxehtit dhe përmbytjet në pjesë të ndryshme të botës”, shkruan revista, përcjell kdpolitik.com.

Për të parë se sa i vështirë, The Economist analizon Indeksin më të fundit të Zhvillimit Njerëzor (hdi) të OKB-së, të publikuar më 8 shtator. Matësi i përbërë i standardeve të jetesës – i cili përfshin masat e jetëgjatësisë, arsimit dhe të ardhurave për person – ra në vitin 2021 për të dytin vit radhazi.

Është rënia më e madhe e njëpasnjëshme që nga fillimi i indeksit në vitin 1990, duke fshirë çdo fitim që nga viti 2016 (shih hartën).

Të fundit