Reperi Lil Tjay është duke iu nënshtruar një operacioni urgjent pasi u qëllua me armë. Burimet e zbatimit të ligjit thonë se Tjay u qëllua pak pas mesnate në Edgewater, NJ. Mësohet se reperi është në operacion. Shtrirja e plagëve dhe gjendja e tij nuk janë bërë të ditura
Përgatiti: Agon Neziri
Policët kanë arrestuar 3 persona si pasojë e të shtënave ndaj Lil Tjay, njëri prej të cilëve sipas tyre ishte shkaktari. Një njoftim nga Zyra e Prokurorit të Qarkut Bergen thotë se Mohamed Konate u përpoq të kryente një grabitje të armatosur kundër Lil Tjay dhe dy personave të tjerë që ishin me reperin.
Sipas policëve, Konate qëlloi Tjay disa herë dhe një nga miqtë e reperit u qëllua një herë.
Konate është akuzuar për tre akuza për tentativë vrasjeje të shkallës së parë. Dy personat që ishin me Tjay u arrestuan edhe për armëmbajtje pa leje të shkallës së dytë.
Një burim ka theksuar se Tjay është jashtë operacionit dhe duket se po shkon më mirë … por ai ende nuk është jashtë rrezikut.