Rezultatet e raundit të parë në zgjedhjet presidenciale në Maqedoninë e Veriut ishin në fokus të emisionit 3D të Alban Dudushit.
Në vlerësimin e analistit Xhelal Neziri rezultati ishte i pritshëm. Kjo pasi LSDM në qeveri ka kohë që ballafaqohet me një krizë të brendshme dhe ka rënie e të shpejtë në opinion. Ndërkohë e kundërta ka ndodhur me VMRO-DPMNE. Kjo ka ndodhur pas nëshkrimit në parlament të propozimit francez në vititn 202, tha Neziri.
Analisti thotë se diferenca mes dy palëve është shumë e madhe, madje kandidatja e VMRO-DMPNE Davkova është e paarritshme. Ajo ka dyfishin e votave të presidentit aktual Pendarovski.
Duke veçuar faktorin shqiptar zoti Arifi tha se nëse partitë shqiptare do të kishin dalë me kandidat të përbashkët do të shkonin në balotazh.
Kjo do të krijonte mundësinë që kandidati shqiptar do të kërkonte mbështetje nga partitë e moderuara maqedonase mbështetje, çka mund të çonte zgjedhjen për herë të parë të një presidenti një president shqiptar në Maqedoninë e Veriut.
Lidhur me mundësinë e rizgjedhjes së zotit Pendarovski analisti Xhelal Neziri tha se ai ka një diferencë prej -180 mijë votash me zonjën Davkova. Ndërsa koalicionet shqiptare kanë rreth 200 mijë votash. Kjo jep një farë shprese.
Por sipas zotit Neziri në llogari duhen marrë edhe votat e kandidatëve të tjerë presidenciale. Në analizë të fundit eshte kandidatja e koalicionit VMRO-DPMNE që ka më shumë mundësi që të lidhi marrëveshje të fitojë si në zgjedhjet presidenciale dhe ato parlamentare.
Sipas zotit Neziri duke e pamundur çdo kombinacion për të ndryshuar trendin e rezultatit të zgjedhjeve. Pra çështja e Presidentit është e kryer dhe VRMO-DPMNE është fituese e zgjedhjeve parlamentare.
Po a ka mundësi që shqiptarët si zgjedhjet e kaluara të kenë mundësi të vendosin? Neziri mendon se diferenca është shumë e madhe dhe nuk ka mundësi të ndodhi.
Duke komentuar përfshirjen e kryeministrit të Kosovës në zgjedhjet në Maqedoninë e Veriut, analisti Neziri kujton se kjo nuk është hera e parë.
Fillimisht ai u përfshi në 2016 kur përkrahu lëvizjen “Besa” në zgjedhjet parlamentare. Më pas Kurti ka përkrahur partitë kundër BDI, dhe në zgjedhjet parlamentare të 2020 “Aleancën për shqiptarët”.
Sipas analistit Neziri kryeministri kosovar Kurti është angazhuar gjithnjë për ndryshim në zgjedhjet në Maqedoninë e Veriut.
Ai tha se nuk e di pse Kurti e ka fiksim dhe kërkon të mundi zotin Ahmeti. Sipas Neizirit kjo u pa edhe në zgjedhjet e fundit.
Në analizën e tij ai tha se Kurti me aksionin e tij i ka bërë më shumë dëm çështjes shqiptare.
Zoti Neziri kujtoi se shqiptarët përbëjnë 1/3 e popullsisë së Maqedonisë së Veriut dhe nuk janë minoritet që kërkojnë paternalizëm nga vende të tjera. Ata kanë raporte vllazërore dhe shumë të afërta me maqedonasit. Por kur bëhet fjalë për realitetin politik orientimi është drejt partive shqiptare.
Në këtë konteks Kurti ka kërkuar kalimin e qendrës së rëndesës së çështjes shqiptare nga Shkupi në Prishtinë.
Duke ju referuar ndikimeve të partive nga Tirana zyrtare apo Prishtina në partitë shqiptare në Maqedoninë e veriut, Neiziri tha se ndërhyrja e Kurtit ka qenë e paprecedente. Ai kërkon të imponojë idenë se fati i shqiptarëve në MV vendoset në Prishtinë dhe kjo nuk i bën të ndihen mirë ata.