Besoni apo jo, qyteza Ferera Erbognone, në veri të Italisë, nja 45 kilometra larg Milanos, deri tani nuk ka regjistruar asnjë të infektuar nga koronavirusi! Vendbanimi bën pjesë në zonën e Lombardisë me më shumë viktima e të prekur nga virusi vdekjeprurës, njofton KDP.
Këto janë pamjet që vijnë nga qyteza italiane për të cilën duket si e huaj murtaja me emrin Covid-19. Banorët e cituar nga agjencitë e lajmeve kanë thënë se kanë ndërmarrë të gjitha masat preventive nga dita e pare e së[mundjes e deri tani dhe sot ndjehen krenarë që në vendbanimin e tyre nuk kanë persona të infektuar. Prefekti Giovanni Fassina i ka informuar bashkëqytetarët e tij se këto ditë do të bëj ekzaminim e mostrave të gjakut për të zbuluar arsyet e këtij fenomeni.
‘Besojmë se kjo nuk buron nga gjenetika. Edhe ne jemi sikurse të gjithë të tjerët. Është evidente se popullata respekton masat e kujdesit dhe urhdëresat,’- ka deklaruar zyrtari për të përditshme italiane La Stampa.
Rezultatet e analizës së gjakut mbase do ta thonë të vërtetën, por sidoqoftë fakti se 1.200 banorët e kësaj qyteze nuk janë prekur nga virusi, është përhapur gjithandej nëpër botë.