E mërkurë, 22 Maj, 2024

VDES LEGJENDA E NBA, KOBE BRYANT: “I DASHUR BASKETBOLL…”

Legjenda e basketbollit të ligës më të njohur në botë NBA, Kobe Bryant, vdiq të dielën në mëngjes në një përplasje me helikopter në Calabasas, njofton TMZ, përcjell KDP. 

Kobe po udhëtonte me të paktën 3 persona të tjerë në helikopterin e tij privat që u rrëzua. Një zjarr kishte shpërthyer para aksidentit fatal.

Personeli i urgjencës reagoi me shpejtësi, por askush në bord nuk mbijetoi. 5 persona janë konfirmuar të vdekur. Gruaja e tij Vanessa Bryant nuk ishte në mesin e atyre që ishin në bord.

Dëshmitarët okularë thonë se dëgjuan motorin e helikopterit duke u përplasur para se të binte. Shkaku i përplasjes është nën hetim. Kobe në mënyrë të famshme ka përdorur një helikopter për të udhëtuar për vite me rradhë – që daton që kur luajti për Lakers. Ai ishte i njohur për udhëtime nga Newport Beach, CA në Qendrën STAPLES në DTLA në hanxharin e tij Sikorsky S-76.

Kobe ka lënë pas gruan e tij Vanessa, dhe katër vajzat e tyre – Gianna, Natalia, Bianca dhe Capri e porsalindur.

Kohët e fundit Kobe është spikatur në lojërat në NBA me vajzën e tij Gianna – vetë një basketbolliste yll në rritje. Vajza e tyre më e vogël, Capri, sapo lindi në qershor 2019. Kobe konsiderohet gjerësisht një nga lojtarët më të mëdhenj të NBA të të gjitha kohërave – duke bërë 18 ekipe All-Star gjatë karrierës së tij 20 vjeçare me Lakers.

Ai ishte zgjedhja e raundit të parë në draftin e vitit 1996, duke fituar 5 kampionate në NBA, 2 MVP të finales në NBA dhe ai ishte MVP i ligës në 2008. Arritjet e Kobe qëndrojnë shumë larg botës së basketbollit. Ai fitoi një Oscar për filmin e tij të shkurtër, “I dashur basketboll,” në 2018. Ishte 41 vjeç.

https://youtu.be/ENzx5r0bX7A

Në vitin 2014 Kobe është ngjitur në vendin e tretë në renditjen e pikëshënuesve më të mirë në historinë e NBA, duke kaluar atë që shumëkush e cilëson më të mirin e të gjitha kohëve, Majkëll Xhordan. Me 32310 pikët e shënuara deri atëherë, Bryant ka para vetëm dy legjenda të tjera: Karim Abdul-Xhabar (38387) dhe Karl Malon (36928). “Mund të them vetëm se jam i nderuar që jam ende këtu duke luajtur”, ishte shprehur tha basketbollisti pas ndeshjes që ekipi i tij, LA Leikërs, fitoi kundër Minesotas me rezultatin 100-94. Në momentin kur ai shënoi pikët që e lejuan të kalonte Xhordan në këtë renditje, loja u ndal dhe pas duartrokitjes së gjatë të publikut, atij iu dha si kujtim topi i ndeshjes.

Në vitin 2015 kishte njoftuar se në fund të atij sezoni do të tërhiqet. Nëpërmjet një letre në “The Players Tribune”, vendi ku sportistë të famshëm kanë hapësirën e tyre të shprehjes dhe shpesh japin lajme historike, lojtari i Los Angeles Lakers zyrtarizoi tërheqjen pas 20 vitesh karrierë dhe 32 683 pikësh të shënuara, duke nisur me frazën “I dashur basketboll”.

Ai ka pasur dëmtime të rënda në sezonet e fundit sa ishte aktiv dhe e ka ulur shumë nivelin e tij, gjë që e ka bërë të kuptojë që është koha të dalë në pension. Ndeshja e tij e fundit do të jetë ndaj Utah Jazz, në 13 prill të vitit 2016, duke qenë se LA Lakers e ka të pamundur të kapë fazën e playoff-it.

Ja letra e plotë e Kobe Bryant:

“I dashur basketboll. Që kur nisa të realizoja gjuajtje imagjinare, u dashurova me ty. Një dashuri e thellë që më ka bërë të jepja maksimumin për ty me mendje, trup dhe shpirt. Dhashë gjithçka për ty sepse kjo gjë bëhet kur diçka të bën të ndidesh gjallë, siç më bëre ti të ndihem. I dhe një djali 6-vjeçar ëndrrën e Lakers-ave dhe gjithmonë do të të dua për këtë. Por, nuk mund të fiksohem më pas teje. Dhe ndihem mirë. Jam gati për të të lënë të lirë. Të dy do të shijojmë çdo moment që kemi kaluar bashkë. Të mirat dhe të këqiat. Dhe të dy e dimë se çfarëdo që të bëj në të ardhmen gjithmonë do të jem ai djaloshi që ëndërronte duke u munduar të fuste topin në një kosh mbeturinash, duke imagjinuar një fundndeshjeje. 5,4,3,2,1… Do të të dashuroj gjithmonë. Kobe”.

Të fundit