Një pronar i një restoranti në bregdetin shqiptar, emri i të cilit njoftohet të jetë Mihal Kokëdhima, ka tmerruar turistët spanjollë pasi nuk e kishin pëlqyer ushqimin dhe shërbimin në restorantin e tij në Porto Palermo, afër Sarandës.
VIDEO: https://youtu.be/PwL0C918oMI
Televizioni shqiptar Report Tv ka publikuar një video ekskluzive të momentit kur Kokëdhima, në një mënyrë krejtësisht të çmendur, i është hedhur me trup furgonit ku udhëtonin turistët dhe teksa automjeti është në ecje ai godet me grushte xhamin e përparmë duke e thyer atë. Turistët brenda furgonit janë të tmerruar.
Automjeti dretjohet nga një shofer shqiptar, edhe pasagjeri i parë dhe një tjetër udhëtarë janë shqiptarë, ndërsa në furgon dëgjohen të flasin të frikësuar edhe turistët spanjollë. Ata kanë njoftuar policinë, ndërsa nga sa dëgjohet në videon ekskluzive, ata janë nisur nga Porto Palermo, ndodhen pranë Qeparosë, dhe do të shkonin deri në Sarandë në stacionin e policisë për ta dorëzuar aty. Por rruga bëhet e vështirë.
Turistët dhe shqiptarët i kërkojnë të zbresë, edhe ai vet kërkon që makina të ndalojë pasi nuk ka më forcë të qëndrojë mbi xham teksa furgoni është në ecje. Por edhe pasi ndalon dhe zbret nga xhami i përparmë i automjetit, Mihal Kokëdhima kërkon të hapë derën e furgonit dhe t’i sulmojë sërish turistët. Në atë moment në rrugë shihet teksa kalon edhe një furgon policie.
Ndërkohë, nga sa dëgjohet nga cfarë thonë shqiptarët, turistët spanjollë nuk donin të hanin ushqimin e porositur në restorantin e Mihal Kokëdhimës në Porto Palermo për shkak të shërbimit të keq, por pronari i është sulur duke i ofenduar dhe i ka ndjekur edhe pasi ata janë larguar me furgon,. duke ju hedhur mbi xham.
Shqiptarët dëgjohen të thonë se pas tyre është edhe një tjetër automjet që po i ndjek, ndërsa thonë se kishin edhe armë të ftohta. Mihal Kokëdhima tashmë është i arrestuar nga policia.