Sipas raportimeve, kryeministri i Sllovakisë Robert Fico është qëlluar dhe plagosur me armë zjarri nga një person i panjohur, transmeton KDP.MK
Incidenti ndodhi në qytetin Handlova, para Shtëpisë së Kulturës, rreth 150 kilometra në verilindje të kryeqytetit Bratislava, ku Fico kishte ardhur për t’u takuar me mbështetësit, sipas stacionit televiziv të lajmeve TA3, raporton SkyNews.
Policia bllokoi vendin e ngjarjes.
Fico(59), u godit në stomak pasi kundrejt tij u shkrepën katër plumba.
Footage of Slovak Prime Minister Fico being taken to his car following assassination attempt. pic.twitter.com/jVkEtGZ87M
— Clash Report (@clashreport) May 15, 2024
Një i dyshuar është arrestuar për rastin.
Nënkryetari i Parlamentit të Sllovakisë, Lubos Blaha, konfirmoi incidentin gjatë një seance parlamentare, të cilën e shtyu për datë të papërcaktuar, njoftoi agjencia sllovake e lajmeve, TASR.
Tashmë janë publikuar edhe pamjet kur Policia e ka arrestuar të dyshuarin që plagosi kryeministrin.
I arrestuari besohet se është i dyshuari që shtiu mbi kryeministrin, megjithëse kjo nuk është konfirmuar nga policia lokale.
#BREAKING Footage from the assassination attempt on Slovakian PM Robert Fico. https://t.co/nlxofjaQNC pic.twitter.com/0WG93s8PnH
— Breaking News (@TheNewsTrending) May 15, 2024
Nuk dihet sa rëndë mund të jetë plagosur Fico. Ai u dërgua menjëherë në spital, raportoi TASR, duke e cituar Blahan.
Gazetarët, të cilët ishin në vendin e ngjarjes, thanë se u dëgjuan disa të shtëna me armë.
Zyra e kryeministrit nuk e ka komentuar rastin ende.