E enjte, 20 Qershor, 2024

RCC SHPALL GRATË SIPËRMARRËSE TË BALLKANIT PERËNDIMOR, PËR VITIN 2023

Në një ceremoni të mbajtur të martën mbrëma në Sarajevë, Këshilli i Bashkëpunimit Rajonal (RCC), shpalli gratë sipërmarrëse të vitit 2023 të Ballkanit Perëndimor. Ndër gratë e shquara sipërmarrëse, të përzgjedhura nga RCC-ja ishin: Rigerta Loku, e njohur si “Gruaja Sipërmarrëse e Gjelbër”; Ilda Humiq, për kontributin e saj në rrjetet sociale; Hana Qerimi, si Gruaja e Re Sipërmarrëse; Nikolina Kovaçeviq, për përpjekjet e saj në sektorin e turizmit; Irena Çaushevska Danilovska, për inovacionin në sektorin e teknologjisë informative dhe komunikative (TIK); dhe Marija Ivankoviq Jurishiq, për kontributin e saj si gruaja sipërmarrëse në fushën artistike transmeton KDP.MK, njoftimin nga Këshilli i Bashkëpunimit Rajonal (RCC).

Përgatiti: Enis Shaqiri

Nga rreth 250 nominime këtë vit, juria ka përzgjedhur gjashtë gratë sipërmarrëse të vitit 2023. Faleminderit të gjithë të nominuarve dhe urime atyre që fituan titullin prestigjioz sonte. Vlerësim dhe duartokitje për ata që na  frymëzojnë me suksesin e tyre. E di që pas secilit prej jush ka një histori të mundimit, netëve pa gjumë, sakrificave, por edhe forcës, këmbënguljes, përkushtimit dhe guximit. Gratë sipërmarrëse janë një kontribues jetik në prosperitetin e Ballkanit Perëndimor dhe nëpërmjet kësaj nisme, ne u japim një vlerësim modest grave të guximshme dhe të forta që guxuan të luftojnë stereotipet dhe të sjellin ndryshimin”, tha Amer Kapetanovic, Shef i Departamentit Politik të RCC në fjalën e tij përshëndetëse në emër të Sekretares së Përgjithshme të RCC.

Për të ilustruar stereotipet e vazhdueshme, do të përmend vetëm disa të dhëna. Një në dy gra në Ballkanin Perëndimor është pa punë, ndërsa vetëm një në katër pronare biznesi janë gra. Vetëm 18% e anëtarëve të bordit në kompanitë më të mëdha në rajon janë gra. Këto stereotipe dhe statistika jo të favorshme nuk mund t’i përmendim vetëm më 8 mars me buqetën e bukur, një kuti çokollate dhe sigurisht jo vetëm me fjalë. Ne kemi nevojë për një ndryshim sistemik që vjen nga një kuptim i qartë se gratë përfaqësojnë një pjesë të rëndësishme të kapitalit njerëzor në shoqëritë tona. Ne në RCC e jetojmë atë që po predikojmë. Jo rastësisht, krijuam një Rrjet Rajonal të Grave në Sipërmarrje, i cili njeh rëndësinë e rrjeteve mbështetëse në edukimin e grave sipërmarrëse dhe kjo njohje është pjesë e kësaj nisme”, përfundoi Kapetanovic.

Përveç z. Kapetanovic, fjalimin hyrës e mbajti zonja Anna Vezyroglou nga Drejtoria e Përgjithshme e Komisionit Evropian për Fqinjësinë dhe Negociatat e Zgjerimit, ndërsa zonja Nafisa Latic, spikerja e lajmeve ndërkombëtare, ishte moderatore e aktivitetit.

Për shkak të interesit të lartë dhe cilësisë së nominimeve të pranuara, këtë vit vendosëm të prezantojmë një Njohje Speciale të Jurisë për 6 femra të tjera sipërmarrëse, përkatësisht Ivana Gazivoda për riformimin e normave gjinore në shoqëri; Blerina Bombaj për promovimin e stilit të jetesës së shëndetshme; Zorica Gjukiq për promovimin e kuzhinës ballkanike; Liridona Osmanaj për promovimin e shëndetit mendor; Ksenija Nikolova për fuqizimin e grave; dhe Danka Zhivkoviq për zhvillimin e biznesit familjar.

Nisma e nisur dy vjet më parë në kuadrin e Planit të Veprimit të Tregut të Përbashkët Rajonal 2021-2024 dhe Agjendës së RCC për Fuqizimin Ekonomik të Grave synon të njohë gratë që kanë filluar dhe zhvilluar një biznes duke kontribuar në punë të reja dhe të qëndrueshme për gratë dhe burrat e tjerë në rajonin tonë. Projekti financohet nga Bashkimi Evropian.

Biografia e shkurtër e Grave Sipërmarrëse të Vitit të Ballkanit Perëndimor për vitin 2023:

 Rigerta Loku është rikthyer në Shqipëri pasi ka jetuar 12 vite në Itali, për t’i dhënë jetë tokës së braktisur të gjyshërve të saj. Ajo ka ngritur një fermë mbarështimi, ku rrisin rreth 200 dhi të racës autoktone për të përpunuar dhe shitur nënproduktet biologjike të qumështit të dhive të rritura në natyrë.

Ilda Humić është një nënë e tre fëmijëve, së shpejti pret të katërtin, një entuziaste e modës dhe themeluese e HI by Ilda. E njohur për personalitetin e saj në rrjetet sociale. Falë llogarisë në Instagram, Ilda filloi kompaninë e saj me rreth 15 punonjës, duke prodhuar produkte të modës të punuar me dorë.

Hana Qerimi themeloi dy kompani të mëdha teknologjike, Digital School, një kompani kyçe kodimi për fëmijë dhe adoleshentë, themeluar në Prishtinë, me një prani në mbi 20 vende përmes modelit të saj të ekskluzivitetit; dhe StarLabs, një kompani e zhvillimit të softuerit.

Karriera e Nikolina Kovaçeviç është shtrirë nga përvojat pasuruese në SHBA deri te administrimi i një biznesi të mikpritjes familjare, dhe përfundimisht tek themelimi i një sipërmarrjeje luksoze, e dedikuar për ta bërë Malin e Zi një sinonim për udhëtimet luksoze.

Irena Chaushevska Danilovska është një sipërmarrëse e arritur neuroteknike, mentore e start-up-eve dhe avokate e zjarrtë për eksplorimin e hapësirës. Ajo mbështet në mënyrë aktive gjeneratën e ardhshme të bizneseve start-up dhe është e përkushtuar ndaj zhvillimit të neuro-teknologjive për profesionet me kërkesë të lartë dhe neuroplasticitetit nën gravitetin zero për të zgjeruar të kuptuarit tonë për potencialin e trurit.

Marija Ivanković Jurišić është një stiliste tekstile dhe pronare e ateliesë së thurjes Marija Handmade për më shumë se 10 vjet. Pjesët artistike të punimeve të tekstilit janë rezultat i hulumtimit të Marija-s për teknikat tradicionale të thurjes dhe bazohen në parimet e prodhimit të qëndrueshëm të modës.

 

 

Të fundit