NUK KA KTHIM NGA RRUGA PRO EVROPIANE, TË VOTOHEN NDRYSHIMET KUSHTETUESE

Shkruan: Agron Demiri 

Nga Maqedonia e Veriut, një shtet me probleme të shumta ekonomike, politike, sociale, arsimore, shëndetësore, sot jemi një prej vendeve që ka përparuar më së shumti në çdo aspekt në krahasim me vendet tjera në rajon dhe kjo falë politikbërjes së Zoran Zaev!

Me ndryshimin e pushtetit filloi revolucioni modern politik ne RMV, dhe u ndaluan ndarjet në baza nacionale, fetare e kështu me rradhë siç bënte regjimi i kaluar në krye me Nikolla Gruevksin, dhe sot pa fije turpi nga Budapesti po shkruan kolumna si një revulucionar!!!

Me ndryshimin e pushtetit, qytetarët filluan kritikat, denoncimet, keqpërdorimet t’i bëjnë drejpërdrejt, pa frikë dhe pa kanosje. Mediat filluan të denoncojnë gjera që nuk janë në rregull, funksionarët filluan të japin llogari, u vendos një sistem llogaridhënie, meritokracie dhe demokracie.

Apeloj si një djalë i ri, aktiv në sfera të ndryshme të shoqërisë dhe me motiv që të kontribuoj në këtë vend, që deputetët në përgjithësi të votojnë ndryshimet kushtetuese nëse duam një shtet stabil dhe më të mirë për fëmijët e tyre dhe gjeneratat që vijnë pas.Rruga europiane është kjo dhe s’duhet kthim prapa. Krejt këto ndryshime s’janë asnjëherë të mjaftueshme, mundemi më shumë, ndaj, duhet që të besojmë në vlera demokratike, të besojmë në rrugën që e nisi dhe e trasoi Zoran Zaevi, ndërkaq sot po këtë rrugë e vazhdon vizionari Dimitar Kovaçevski në krye me qeverinë proeuropiane.

Republika e Maqedonisë së Veriut, qytetarët e këtij vendi meritojnë të jetojnë sipas standartit europian dhe jo të kërkojnë këto standarde në dyert e shteteve europiane, prandaj besoj fuqishëm se politikbërësit, deputetët që kanë vetëdije të lartë politike do të kontribuojnë që kjo ëndërr shumë shpejt të bëhet një realitet.

Sot jemi anëtarë në aleancën më të fuqishme NATO, vallë pse nesër mos jemi pjesë e familjes së madhe europiane?