Qëllimi politik i Ballkanit Perëndimor është anëtarësimi i plotë në Bashkimin Evropian. Vendi i të gjitha vendeve nga Ballkani Perëndimor është në BE dhe nismat rajonale janë një nga rrugët e bashkëpunimit më të mirë në rrugën drejt anëtarësimit të plotë në BE. Të tilla mesazhe ka dërguar sot kryetari i Qeverisë së Republikës së Maqedonisë së Veriut, Dimitar Kovaçevski, i cili po mer pjesë në Prespa Forumin për Dialog, organizuar nga Ministria e Punëve të Jashtme të Republikës së Maqedonisë së Veriut.
Në sesionin “Bashkëpunimi i sinqertë rajonal e mban rajonin stabil”, në kuadër të forumit për dialog të Prespës, i cili mbahet në Strugë, ku marrin pjesë përfaqësues të nivelit të lartë politik nga rajoni dhe nga Bashkimi Evropian, Shtetet e Bashkuara dhe NATO, Kyreministri i vendit Dimitar Kovaçevski nënvizoi se në këtë moment është e nevojshme që të dyfishohen përpjekjet në çdo plan, por edhe të merren mbështetjet e nevojshme nga partnerët evropianë, për të përshpejtuar procesin e integrimit.
“E theksoj këtë sepse mesazhet e partnerëve tanë strategjikë nga BE-ja nuk kanë qenë kurrë më të qarta – se deri në vitin 2030 është i mundur zgjerimi i Bashkimit Evropian me vendet e Ballkanit Perëndimor dhe se tani varet praktikisht nga ne se si do t`i lëvizim proceset në rajon”, – tha Kovaçevski.
Sipas kryeministrit Kovaçevski, Maqedonia e Veriut, pas Marrëveshjes së Prespës dhe fillimit të negociatave me BE-në, vitin e kaluar, ka shënuar rritje në nivelin më të lartë të investimeve të huaja direkte, nivelin më të lartë të investimeve vendore, si dhe në nivelin më të lartë në mbështetje për kompanitë vendase për ciklin e ri të investimeve.
“Pagat janë rritur ndjeshëm – paga minimale mbi 100 për qind krahasuar me periudhën para 5 viteve, niveli i pensioneve është rritur nga 40 deri në 50 për qind, për të njëjtën periudhë. Kjo është padyshim rezultat i stabilitetit të arritur në vend, dhe kjo është edhe për shkak të forcimit të bashkëpunimit ekonomik në Ballkanin Perëndimor, që është një fakt që nuk ka qenë kurrë më i madh se sot. Por kjo për shkak të marrëdhënieve të shkëlqyera me ekonomitë më të mëdha në botë dhe në Evropë, siç është ekonomia gjermane”, – tha Kovaçevski duke shtuar se “bashkëpunimi i mirë u kurorëzua dje edhe me një rezolutë të Bundestagut gjerman, e cila i dha mbështetje të qartë dhe pa hamendje integrimit të Maqedonisë së Veriut në BE me identitet, gjuhë dhe kulturë të mbrojtur”, – theksoi Kovaçevski
Tutje, Kovaçevski ka folur edhe për luftën në Ukrainë. Sipas tij, kjo luftë është duke i kujtuar Evropës se në sipërfaqen gjeografike të kontinentit evropian, ekziston një hendek gjeostrategjik.
“Nuk duhet të harrojmë se lufta në Ukrainë po zhvillohet 700 kilometra larg vendit ku jemi sot. Shtetet nga Ballkani Perëndimor, ambiciet evropiane të të cilëve nuk janë të diskutueshme. Por secili prej shteteve ka një kapacitet të ndryshëm rezistence ndaj tendencave jodemokratike që vijnë nga jashtë, kryesisht për shkak të ritmit të ndryshëm të demokratizimit brenda vetë shoqërive. Ky boshllëk gjeostrategjik është një derë e hapur për erërat që tashmë po tronditin stabilitetin e Ballkanit të brishtë Perëndimor, por edhe të vetë Bashkimit Evropian, forca e të cilit është padyshim jo vetëm në shoqërimin e shteteve të fuqishme ekonomikisht, por mbi të gjitha në bashkimin. të të gjitha shteteve – të mëdha dhe të vogla, të cilat gravitojnë në këtë hapësirë evropiane”, – ka thënë Kovaçevski.
Ai gjithashtu ka shtuar se është mirë që rajoni dhe Evropa e kanë Marrëveshjen e Prespës si model të mirë për demokracinë funksionale, e cila sipas tij po promovon zgjidhjen e çështjeve të hapura përmes dialogut të hapur ndërmjet palëve.
“Marrëveshja e Prespës gjithashtu i përgjigjet shqetësimeve të pothuajse të gjitha shteteve që kanë mosmarrëveshje të ngjashme që prekin çështjet e identitetit. Sepse është një model diplomacie, zgjidhjet e së cilës nuk kërcënojnë, por përkundrazi mbrojnë dhe forcojnë përcaktimet identitare, të rëndësishme për një vend dhe një popull. Nga shembulli ynë maqedonas, dua t’i them rajonit se është e rëndësishme të kemi lidership të guximshëm, por edhe strategjik, sepse kjo të çon në perspektivat e pritura dhe të dëshiruara. Është treguar se zgjidhjet politike janë zgjidhje edhe për ekonominë, pra se edhe vendimet e vështira funksionojnë për ekonominë në drejtim pozitiv”, – ka deklaruar Kovaçevski.
Kovaçevski mes tjerash vuri në dukje edhe ndërtimin e Korridorit 8 dhe 10D, i cili siç tha se ky investim do të jetë një kontribut i madh për zhvillimin e ekonomisë dhe standardit të qytetarëve.
“Ne po zbatojmë gjithashtu një plan të qartë për të ndërtuar infrastrukturën rrugore – në lindje dhe në perëndim. Korridori 8 është bërë tashmë pjesë e korridoreve trans-evropiane, së bashku me Korridorin 10. Ne po ndërtojmë një autostradë të re për në Shqipëri. Ne po ndërtojmë një rrugë të shpejtë për në Bullgari si dhe një hekurudhë për në Bullgari. Korridori 8 është me të vërtetë domethënës për Republikën e Maqedonisë së Veriut, sepse përveç aksesit në portin e Selanikut siç ishte e mundur vetëm deri më tani, ne kemi akses edhe në portet e Durrësit, Shqipëri dhe Burgasit, Bullgari.Me këtë gjeografikisht jemi qendra e Ballkanit dhe me investimet në infrastrukturë, e them se vendi do të bëhet si një udhëkryq i vërtetë i korridoreve të transportit në Ballkan”, – përfundoi Kovaçevski