E premte, 12 Korrik, 2024

UKRAINË: ZELENSKY PËSON NË NJË AKSIDENT TRAFIKU

Vetura me presidentin ukrainas Volodymyr Zelensky është përplasur me një automjet tjetër në përfundim të vizitës në një zonë të luftës, por nuk është lënduar seriozisht,- ka bërë të ditur një zëdhënës i tij.

Agjencitë e lajmeve bëjnë të ditur se presidenti Zelensky po kthehej në Kiev nga rajoni i Kharkivit, ku vizitoi trupat në qytetin e rimarrë të Izjumit. ‘Një automjet pasagjerësh u përplas me autokolonën presidenciale në kryeqytetin e Ukrainës,” –  transmeton kdpolitik.com deklaratën e zëdhënësit Sergei Nikiforov.

Mjekët të cilët e shoqëronin shefin e shtetit i dhanë ndihmë urgjente shoferit të makinës i cili u dërgua në spital.

Ata kanë kontrolluar edhe presidentin, i cili nuk ka pësuar lëndime të rënda,- ka shkruar Nikiforov, por pa specifikuar se cilat janë lëndimet e Presidentit.

Zëdhënësi shtoi se po hetohen rrethanat e aksidentit

Të fundit