Seladin Xhezahiri nga Instituti Ballkanik për Bashkëpunim Rajonal thotë se diplomacinë amerikane po përpiqet që të zgjidhë ngërçin mes Bullgarisë dhe Maqedonisë së Veriut sa i takon integrimit në BE.
Xhazahiri thotë se edhe zhvillimet e fundit në politikën e brendshme bullgare i sheh të ndikuar nga ndërhyrja e SHBA.
Analisti thotë se edhe Komisioneri për Zgjerim, Oliver Varhelyi ka paralajmëruar se mund të ketë lajme të mira më 23 maj.
Sipas tij, nisja e negociatave me RMV është në interes edhe të presidentit francez, Macron, i cili sapo ka nisur mandatin e dytë.
“Nisja e bisedimeve me RMV është një arsye më shumë për Macron që në fillim të mandatit të shënoi një sukses”, tha ai.
Seladin Xhezahiri shtoi se e sheh shumë të vështirë që shumica qeverisëse në RMV të arrijë 84 vota në parlament për të ndryshuar Kushtetutën dhe përfshirë bullgarët si pakicë.