Drejtori i Agjencisë për Kadastër të Patundshmërive, Boris Tunxhev, në një deklaratë në emisionin “Top Tema” në Telma tha se janë në proces rastet për legalizimin e objekteve të Presidentit dhe Qeverisë. Me këtë rast ai facto pranoi se këto objekte janë ndërtime pa leje, përcjell kdpolitik.com.
“Së pari, këto dy objekte janë objekte të një natyre të veçantë dhe aty procedura për të ekzekutuar një paramasë dhe për t’i regjistruar është krejtësisht e ndryshme nga regjistrimi i çdo objekti tjetër. Këto janë objekte, objekte të banimit të Presidentit, të Qeverisë dhe të shtetit, dhe janë objekte të kategorisë së parë dhe për ta, me sa kam dëgjuar drejtorin për punë të përgjithshme dhe të përbashkët z. Mirçevski se procedura ka përfunduar. Nëse kuptohet se procedura ka përfunduar, mund të nënkuptojë se mund të kenë marrë vendim për legalizim ose janë në proces të marrjes së vendimit të Qeverisë me të cilin Agjencia për Kadastër të Pasurive të Paluajtshme do të obligohet në bazë të një faturë për regjistrimin e sipërfaqes së brendshme”, tha Bundzev.
I pyetur nëse objektet e presidentit dhe kryeministrit janë ndërtime pa leje, Tunxhev tha se nëse rastet janë në proces do të thotë se ende nuk janë legalizuar.
“Për momentin nuk kemi të dhëna. Në momentin që drejtori i shërbimit për punë të përgjithshme dhe të përbashkëta thotë se është në procedurë, duhet t’i dorëzojnë dokumentet”, tha Tunxhev.