Turqia është në mesin e vendeve që mund të garantojnë siguri për Kievin në kuadër të çdo marrëveshjeje me Rusinë për t’i dhënë fund luftës në Ukrainë, deklaroi zëvendës shefi i kabinetit të presidentit të Ukrainës, Ihor Zhovka.
“Turqia është ndër vendet që mund të jetë një garantues i sigurisë sonë në të ardhmen,” tha Zhovka përpara se të vazhdojnë bisedimet midis dy palëve në Turqi.
Kievi ka kërkuar më parë garanci ligjore të sigurisë nga disa vende aleate në rast të sulmeve të ardhshme.
Siç kumtuan dje nga Presidenca turke, raundi tjetër i bisedimeve ndërmjet delegacioneve ruse dhe ukrainase do të zhvillohet të martën në Stamboll.