Policia e Kosovës ka arrestuar një person, pasi dyshohet se ka kryer veprën “Ngacmim” ndaj ambasadores së Luksemburgut në Kosovë, Natacha Gomes.
Sipas njoftimit, me vendim të Prokurorisë Themelore në Prishtinë, Departamenti i Përgjithshëm, personi me inicialet E.H. është ndaluar për 48 orë.
“I dyshuari më 10.11.2021, gjatë qarkullimit në trafikun rrugor në Prishtinë, ka shfaqur sjellje të padëshirueshme të ngacmimit ndaj Ambasadores së Luksemburgut në Kosovë”, thuhet në njoftimin e Prokurorisë së Shtetit.