E mërkurë, 12 Qershor, 2024

KLASTER SHTETI

Njëzet njerëz vdesin çdo ditë, rreth gjashtëqind janë pozitivë për një ditë. Sipas statistikave të Institutit të Shëndetit Publik, numrat janë rritur për 27.4 për qind krahasuar me javën e kaluar. Algoritmet janë të reja, anketa epidemiologjike është e njëjtë. Më e lehtë mbetet të zbulosh klasterin ku jeni infektuar?! Kur çdo i treti është i infektuar, klaster është thjesht shteti.

Shkruan: Katerina Topallova

Në fillim të prillit, posa u ktheva nga puna ndjeva ethe të lehta. Gjëja e parë që më erdhi në mendje ishte se unë mund të isha infektuar me Covid-19. Thirra zyrën e amë dhe ata më bënë një anketë epidemiologjike.

A keni ngritje temperature? – Jo! A keni qenë në kontakt me ndonjë të infektuar? – Nuk e di! Pas dy pyetjeve të para, për të ishte e qartë se unë nuk i plotësoja kushtet për testim. Falë Zotit nuk kisha më simptoma, kështu që u pajtova që nuk isha pozitive. Por atëherë flitej për grupe, dihej se nga kush infektohesh dhe me raste supozohej nëse ai ishte në kontakt me një të infektuar.

Klaster dasma, klaster festa në Vodno, klaster skijim në Itali … tani është e lehtë, klaster është vetë shteti! Është më lehtë të numërosh ata që s’janë të infektuar sesa të infektuarit.

Në njëzet e një vdekje në ditë, ne ende diskutojmë nëse virusi është një gënjeshtër apo një e vërtetë, nëse numrat po “injektohen”, nëse na çipizojnë  kur marrin kampion për të na testuar.

Shifrat janë alarmante, ne po bëjmë një luftë me një virus që vret të rinjtë dhe të moshuarit çdo ditë. Kjo nuk është koha për debate dhe polemika. Kjo nuk është koha për ngadhënjime në facebook! Virusi nuk zgjedh! Sikur jemi mësuar t’i provojmë gjërat në mënyrën më të vështirë.

Që nga java e kaluar dy prindërit e mi janë pozitivë. Ata nuk ishin në një dasmë, nuk ishin në një aheng, ata kanë mbajtur maska dhe nuk  kanë qëndruar në grup. Klasteri është i panjohur ose shumë i njohur. Virusi është tashmë kudo! Beteja fizike dhemb, por edhe më shumë vret aajo mendore, të familjes më të gjerë, kur përmes viberit në kamerë mat pulsin dhe oksigjenin në gjak, kur mendon nëse mund të bëjnë supë, kur zgjohesh natën nëse bie celulari…

Për një kontroll pritet me orë të tëra, deri te spitali arrihet kush si të mundet …

Kur çdo person i tretë është pozitiv dhe virusi tenton të përparojë, është marrëzi të bindesh se ekziston virusi. Nuk ka më kuptim kur i gjykojmë të sëmurët dhe numrat janë marramendës.

Kur klaster është një shtet i tërë, gjithçka që mund të bëjmë është të bindim veten se duhet të punojmë së bashku për të mos qenë pjesë e statistikave të zeza!

Të fundit