Civilët vazhdojnë të ikin nga Ukraina drejt vendeve fqinje ndërsa bombardimet e Rusisë ndaj qyteteve kryesore po intensifikohen. Lapsi.al sjell më poshtë zhvillimet kryesore të ditës së sotme.
1. OKB-ja tha se më shumë se 1 milion njerëz janë larguar nga Ukraina që nga fillimi i konfliktit 8 ditë më parë.
2. Forcat ruse kanë marrë kontrollin e qytetit port kyç të Khersonit në bregun jugor të Ukrainës, duke e bërë atë qytetin e parë të madh që bie.
3. Granatimet vazhdojnë në qytetin port strategjik të Mariupolit dhe kryebashkiaku atje tha se forcat ruse kanë ndërprerë energjinë elektrike, ushqimin, ujin dhe ngrohjen.
4. Të paktën 22 persona janë vrarë në sulmet ajrore në Chernihiv, një qytet rreth 70 milje në veri të Kievit.
5. Një raund i dytë bisedimesh midis negociatorëve rusë dhe ukrainas është zhvilluar në Bjellorusi, me Ukrainën duke bërë thirrje për një armëpushim dhe korridore humanitare për evakuimin e civilëve.
6. Vladimir Putin pohoi në një fjalim televiziv se pushtimi “po shkonte sipas planit”.
7. “NATO nuk po shqyrton një zonë ndalim-fluturimi”, – tha ambasadori i SHBA në aleancë. Sipas shtëpisë së bardhë kjo do të çonte në një luftë me Rusinë.
8. Në një konferencë për shtyp, Volodymyr Zelensky i tha NATO-s: “Nëse nuk keni fuqinë për të mbyllur qiejt, atëherë më jepni aeroplanë”. Zelensky gjithashtu i kërkoi Putinit bisedime të drejtpërdrejta.
9. Rusia do të sfidojë ndalimin ndaj ekipeve të saj të futbollit nga FIFA dhe UEFA.
10. Kryeprokurori i Gjykatës Ndërkombëtare Penale ka nisur një hetim mbi krimet e mundshme të luftës në mes të bombardimeve të dyshuara të civilëve nga forcat ruse.