MERRNI TURR JU MIQTË E MI
(Parodi në frymën e Dritëroit)
Merrni turr ju miqtë e mi
Për pushtet afrohen orët,
Tren i fundit bën: fi-fi!
Ndërsa ju, iu krisin pordhët!
Merrni turr se keq u plakët
Atë pikë shurrë mezi e mbani,
Vijnë të rinj e ju s’duroni
Kurrë të dilni nga karvani!
Merrni turr se politika
Rrenë ka qenë e rrenë ka mbetë,
Veç hajninë dhe mashtrimin
Ju e kishit të vërtetë!
Merrni turr ju miqtë e mi
Se në baltë iu lënë dashnoret,
Pa pushtet s’ka dashuri
Shkrihen lidhjet si akulloret!
Merrni turr e mos u ndalni
Se pushteti e çan dhe malin,
Zini votat e thuani popullit:
„Kceva Drinin t‘ q… kalin!“
Faruk Tasholli