петок, јуни 21, 2024

Инфодемија на пандемија

Автор: Сефер Селими Јр.

Избувнувањето на глобалната пандемија „Ковид-19“ го пронајде светот неподготвен за координиран, брз и ефикасен одговор, иако ова не е ниту прв ниту последен пат кога во последните две децении каде човештвото се соочи со епидемија како Сарс, Свински грип, живина и други супервируси кои мутираа за време на нивната еволуција. Историски на човештвото, му се заканувале многу пати повеќе пандемии кои го доведоа до работ на постоењето, како што е Големата чума или Црната Смрт широко распространета во 1347 – 1351 година, во која животот го загубија 1/3 од Европејците, Шпанскиот Грип од кој починаа меѓу 50 и 70 милиони луѓе или пандемијата на колера, кои го клекнале светот повеќе од 6 пати.

Екосистемот на соживот со милиони различни видови и организми секогаш ќе го предизвикува меѓусебното постоење и луѓето не се исклучок од процесот на природна селекција каде што најсилниот преживува иако ние луѓето континуирано го градиме натприродниот човек со посилен имунолошки систем од нашите претходници со откривање на заштитни вакцини, препарати и медицински лекови кои се деструктивни за бактериите и микроорганизмите кои го напаѓаат. Нашиот имунолошки систем ќе продолжи да биде предизвикуван засекогаш од болести за кои уште не сме измислиле лекови, но и од мутации на вируси и бактерии кои исто така се развиваат за да им одолеат на постојните антибиотици и вакцини, борба која ќе трае толку долго сè додека постои живот на земјата.

Во меѓувреме додека светот со сите свои капацитети, е во војна со невидливиот непријател кој не знае ниту раса, ниту граници со иста брзина се проширува и инфодемијата, невиден рафал на информации за глобалната пандемија. Промената донесена од технологијата во нашата секојдневна комуникација создаде предуслови да бидеме бомбардирани со информации и новости од сите страни, од кои многу се неточни, лажни или се продолжение на кампањите за дезинформација дури и пред избувнувањето на пандемијата. Инфодемија, како и пандемијата, е социјално и економски штетна за нашите општества која ги загрозува не само политичко-општесвени и економски системи, туку и нашето колективно и индивидуално ментално и физичко здравје.

Неточните информации, лажните вести или дезинформации за вирусот, неговите симптоми и третманот можат директно да ги загрозат животите на граѓаните. Со давање погрешни препораки на граѓаните, различни граѓани можат да преземат активности што ги загрозуваат нивните животи, нивните семејства и целото соседство во кое живеат. Така, на пример, со релативизирање на коронавирусот со вообичаен сезонски грип, граѓаните можат да ја намалат својата грижа, да ги избегнуваат препораките и со тоа да промовираат уште повеќе ширење на пандемијата. Од друга страна, „магичните лекови“ од баба, од народен лекар, или кинески лекар, италјански или од други делови на светот имаат потенцијал да ги натераат поединците да го изложат своето здравје во опасност од последиците на нивната употреба од страна, не знаејќи како ќе реагираат или какви се нивните несакани ефекти.

Голем дел од оваа инфодемија е управувана и оркестрирана од профитабилни, опортунистички интереси и заради финансиска добивка, особено од електронските комуникации на веб-страниците што ги дистрибуираат. Профитерите на оваа војна ќе ви продадат лекови, сирупи, маски и сè друго што може да се однесува на пандемијата, а нивните реклами ги има насекаде на вашите социјални мрежи. Овој момент е златен за теоретичарите на заговор, анархистите, шарлатаните и злобните антидемократски актери кои постојано работат на срушење на довербата во демократијата како управувачки систем и за унапредување на нивните стратешки интереси, особено со прогласување на авторитаризмот на лидерите кои со нивното автократско владеења се поефикасни во спречувањето пандемии и грижата за своите граѓани.

Во ова време на пандемијата, секако сите сме исплашени, збунети и загрижени за иднината со многу непознати, за тоа што ќе се случи откако ќе помине целата оваа состојба во која никој од нас не избра да биде. Нашите надежи за победа во борбата против вирусот зависат од научниците, докторите и од сите оние кои се во првите редови на заштита и спасување на нашите животи. Но, војната со инфодемијата можеме да ја победиме и ние самите со минимални напори и да бидеме малку повнимателни за информациите што ги консумираме, земајќи ги со резерва и да се погрижиме да не станеме несвесно дел од дезинформациите. Она што треба да направиме е да добиеме информации од надлежни институции и луѓе, релевантни медиуми и да не споделуваме какви било информации со пријатели и роднини без темелно да анализираме и да направиме темелно истражување за тоа што го читаме. Да бидеш неинформиран е лошо, да бидеш погрешно информиран е штетно, но погрешно да информираш е опасно.

Të fundit