British Post ka publikuar raportin vjetor të pesëmbëdhjetë destinacioneve më të mira dhe më të përballueshme në botë. Raporti tregon se tri destinacione evropiane ishin renditur gjithashtu në top 10, transmeton KDP.MK.
Raporti nuk bazohet në disponueshmërinë e përgjithshme të çmimeve, nuk merr parasysh çmimet e transportit dhe akomodimit, por gjërat për të cilat një turist mesatar shpenzon në destinacion.
Lista bazohet në çmimet e artikujve të zakonshëm që blihen në kafene, dyqane dhe restorante, si birrë, kafe, ujë, verë, krem kundër diellit dhe produkte kundër insekteve.
Rajoni jugor i Algarve në Portugali, i pesti në listë
Destinacioni veror më i përballueshëm në Evropë është rajoni jugor i Algarve, i vendosur në Portugali, në brigjet e Oqeanit Atlantik.
Ata ruajtën pozitën e pestë në krahasim me vitin e kaluar dhe për tetë artikujt e vëzhguar turistët do të shpenzojnë 59,69 paund ose 69,96 euro. Aty është edhe plazhi që u zgjodh si më i bukuri në botë!
Sunny Beach – Bullgari, i shtati në botë
Destinacioni i dytë më i përshtatshëm në Evropë dhe i shtati në botë është Sunny Beach në Bullgari.
Rajoni në bregun e Detit të Zi është i njohur për jetën e tij të natës, e cila tërheq të rinjtë, por edhe për pamjet kulturore në afërsi. Shporta me tetë produkte të monitoruara atje kushton 62,49 £ ose 72,92 €.
Paphos, Qipro, i treti në Evropë, i dhjeti në botë
Vendi i tretë më i përshtatshëm për pushime në Evropë dhe i dhjeti në botë është qyteti Paphos që ndodhet në jugperëndim të Qipros, ishull ky ishull që ndodhet në Mesdheun Lindor,e vendosur në jug të Turqisë, në perëndim të Sirisë dhe Libanit, dhe në juglindje të Greqisë. Paphos besohet të jetë vendlindja e perëndeshës greke të dashurisë, Afërditës.
Ai është i pasur me vende historike, kështu që në vetë qytetin, përgjatë bregdetit, ndodhet një park i madh arkeologjik me mbetje pallatesh dhe teatrosh të vjetër, mozaikë dhe kolona të periudhave të ndryshme të antikitetit. Këtu në ishullin më me diell të Evropës, një shportë me tetë artikuj do t’ju japë 73,32 £ ose 85,56 €.
Në vazhdim i gjeni top 15 vendet më të lira për vitin 2024 sipas barometrit të Postës Britanike – British Post.
