Fitorja e VMRO-DPMNE-së ishte një nga lajmet më të këqija për Bullgarinë, tha gazetari Nikolaj Krastev, përcjell KDP.
Fitorja e VMRO-DPMNE-së ishte një nga lajmet më të këqija për Bullgarinë, që mund të imagjinohej që nga fundi i ditës së zgjedhjeve në Republikën e Maqedonisë së Veriut. Ardhja në pushtet e kësaj partie nënkupton vënien në rrezik të marrëdhënieve bullgaro-maqedonase për një kohë të gjatë, krijon probleme afatgjata mes Sofjes dhe Shkupit.
Kështu ka thënë për “Euronews Bulgaria” gazetari dhe analisti ndërkombëtar Nikolaj Krastev.
Nikolaj Krastev tha se nuk është shumë optimist për zhvillimin e marrëdhënieve bullgaro-maqedonase. Protokolli nuk kërkon që presidenti apo kryeministri i Bullgarisë të ftohen në ceremoninë e inaugurimit të presidentes së sapozgjedhur të Republikës së Maqedonisë së Veriut, Gordana Siljanovska-Davkova, por sipas Krastevit, do të ishte mirë që pushtetarët bullgarë të ishin të ftuar.
“Gordana Silyanovska-Davkova e njeh mirë Bullgarinë dhe është fakt se ajo ka të afërm bullgarë, por ajo është një person që do të bëjë një politikë armiqësore ndaj vendit tonë dhe ky është stili që do të tregojë e gjithë partia në pushtet në fqinjin tonë”,t heksoi Krastev.