Nga logoja në emrin e bizniseve, – ky është një udhëzues fillestar për të ndërtuar një brend të suksesshm që përcjell mesazhet e duhura. Nëse e krijoni siç duhet brendin tuaj atëherë biznesi juaj mund të korrë përfitime për dekadat në vijim, por në qoftë se e projektoni gabimisht – ky mund të jetë gabimi juaj më i kushtueshëm. Pra, si mund ta shmangni këtë gabim?
Përgatiti: Agon Neziri
- Njihni audiencën tuaj
Është e pakuptueshme të investosh para në zhvillimin e brendit tuaj pa konstatuar më parë se çfarë do të rezonojë me audiencën tënde dhe pa i kuptuar zakonet, dëshirat dhe nevojat e vizitorit nuk mund të bisedosh me ta. Njohja e audiencës tuaj është detyra e parë dhe më e rëndësishme në ndërtimin e një brendi.
Startupet duhet të njohin audiencën e tyre të synuar brenda dhe jashtë; pëlqimet, mospëlqimet, nevojat dhe motivuesit e tyre, si dhe profilin e tyre të përgjithshëm. Mendoni për brendin tuaj si një person dhe krijoni një personazh për klientin tuaj ideal. A do të ishte ai ose ajo miku i qetë të cilit mund t’i besoni, apo i afërmi që di gjithçka që është gjithmonë aty për t’ju ndihmuar?
- Përdoreni diturinë tuaj me kujdes
Niall O’Loughlin, menaxher në Mbretërinë e Bashkuar i tregut të dizajnit grafik 99designs, beson se ajo që bëni me atë njohuri është sekreti i vërtetë për të ndërtuar një brend të suksesshm. “Ju duhet të njihni tregun tuaj për të kuptuar plotësisht se si të ngjallni emocionet e duhura përmes dizajnit të brendit tuaj,” thotë ai. “Përshtatni me kujdes dizajnin tuaj, shitjet dhe aktivitetet e marketingut për tregun tuaj të synuar dhe bëjeni këtë në mënyrë të vazhdueshme në të gjitha kanalet, në mënyrë që brendi të bëhet lehtësisht i dallueshm.”
Jemma Jones, menaxhere e departamentit të komunikimeve të marketingut në Honda Motor Europe Ltd, mendon se komunikimi konciz dhe i qëndrueshëm është themeltar për ndërtimin efektiv të brendit, por thotë se është e habitshme se sa shumë pronarë të bizneseve të vogla e anashkalojnë këtë: “Mund të duket e qartë, por pyesni veten se kush jeni që po ofroni një shërbim dhe cilat janë mesazhet kryesore që dëshironi të përcillni.”
- Pranoni dështimin
Pranimi i dështimit mund të mos jetë gjëja e parë që na vjen ndërmend kur bëhet fjalë për këshillat e brendit, por Ian Cowley, drejtor menaxhues i “Cartridge Save” beson se është një pjesë e procesit të ndërtimit të brendit dhe thotë se firma e tij ka mësuar mësime të vlefshme nga dështimet gjatë ndërtimit.
“Edhe nëse jeni në një treg jo seksi, nuk do të thotë se brendi juaj s’do të jetë i suksesshëm. Mund të jetë e rëndësishme nëse brendi është aspirues dhe duhet të përshtatet në një mënyrë jetese të veçantë. Por, nëse biznesi juaj ofron diçka që klientët kanë nevojë, në vend që të dëshirojnë, atëherë çmimet dhe shërbimi mund të jenë më të rëndësishme se personaliteti i brendit.
- Mos mendoni si një biznes i vogël
Nëse ka një gabim gjatë ndërtimit të brendit është të menduarit si një biznes i vogël, thotë Leanne Ross.
“Këshilla ime për bizneset e vogla që nisin një ndërtim të brendit është të mendojnë si të mëdhenj që në fillim; performoni sikur tashmë jeni duke operuar nëpër kontinente, sepse nuk ka asnjë arsye pse edhe mikro-biznesi më i vogël mos mund ta bëjë këtë në një treg global, sepse secili biznes global njëher ishte i vogel.”
- Ngjyra dhe dizajni kanë rëndësi
Identiteti juaj vizual, duke përfshirë logon tuaj, është takimi i parë i një konsumatori me brendin tuaj, kështu që duhet të krijojë përshtypjen e duhur.
“Nëse nuk jeni një dizajner grafik, shmangni qasjen DIY (bëje vet) dhe investoni në një stilist profesionist për të ta krijuar dhe zhvilluar logon tuaj,” këshillon Paul Strong, drejtor krijues në ekspertët e mediave sociale Hoopla Marketing. “Përdor faqet e internetit të tilla si Fiverr.com ose Peopleperhour.com për të gjetur një stilist të pavarur që i përshtatet stilit dhe buxhetit tuaj të dëshiruar.”
Strong thotë: “Për të mbajtur identitetin tuaj të brendit krijoni një grup udhëzimesh të markës që përmbajnë informacion të detajuar mbi paletën e ngjyrave, shkronjat dhe tonin e zërit që do të përdoren në brendin tuaj, së bashku me elementë të tjerë si p.sh. brendi duhet të shfaqet në uniformat e stafit, literaturën e marketingut dhe materialet reklamuese.”
- Shkoni përtej logos suaj
Shumë biznese të vogla bëjnë gabim duke ngatërruar brendin e tyre me logon e tyre, por është jetike të bëhet dallimi midis të dyjave, shton Martin Farrar-Smith, drejtor arti i agjencisë së integruar të komunikimit Manifest Comms.
Një brend ka të bëjë shumë më tepër se një logo, është personifikim publik i kompanisë suaj, duke përcjellë gjithçka që ju besoni dhe e keni të dashur për atë që bëni, thotë ai. “Por në fund të fundit ajo që bëni nuk ndryshon nga konkurrentët tuaj, kështu që pse e bëni atë duhet të jetë e para dhe qendra në brend, sepse, siç thotë shprehja, njerëzit blejnë një produkt, por ata i bashkohen një kauze. Airbnb e ka bërë këtë në mënyrë spektakolare, brendi i saj nuk ka qenë kurrë për të gjetur një akomodim; ajo që klientët e tyre po blejnë në të vërtetë është përkatësia dhe gjetja e komunitetit.”
- Zgjidhni i emrit së brendit tuaj me kujdes
Më në fund, mos e prishni brendin tuaj të shkëlqyer duke i dhënë një emër të keq. Emri i brendit mund të ketë një efekt të dëmshëm në vetëdijen tuaj të përgjithshme të brendit, kështu që zgjidhni atë me kujdes, këshillon Strong.
“Një emër i brendin duhet të përforcojë elementet ose objektivat kyçe të biznesit tuaj, sepse, në fund të fundit, sa më shumë t’i komunikojë audiencës tuaj për biznesin tuaj dhe atë që ofron, aq më pak përpjekje do të shpenzoni duke u përpjekur ta shpjegoni atë.”