Qindra zjarrfikës shqiptarë kanë luftuar me zjarret që kanë shpërthyer në rajonin jugor të Shqipërisë, të mërkurën e 26 korrikut, përderisa një helikopter zjarrfikës ka hedhur ujë mbi pyjet në flakë, përcjell KDP.MK.
Sikurse njofton REL, zjarrfikësit në Qarkun e Fierit u mbështetën nga 102 pjesëtarë të Forcave të Armatosura të Shqipërisë, dhe 11 automjete ushtarake u dislokuan në zonë, sipas Ministrisë shqiptare të Mbrojtjes.
Në një reagim në ‘Facebook’ ministri i Mbrojtjes, Niko Peleshi, bëri një përmbledhje të situatës në lidhje me situatën e zjarreve. Ai thekson se situata paraqitet më e qetë, ndërsa konfirmon angazhimin e trupave të Emergjencës Civile në terren.
MESAZHI I PELESHIT
Ndërsa policia ka thënë se ka parë rritje të rasteve të zjarrvënies gjatë ditëve të fundit, dhe ka identifikuar 14 njerëz, të cilët janë akuzuar për ndezjen e zjarreve. Shumë fermerë në Shqipëri ua vënë flakën arave për të pastruar kashtën, shkurret dhe mbetjet tjera, para mbjelljeve të reja.
