E mërkurë, 24 Korrik, 2024

BE VENDOSI ÇMIM TAVAN PËR NAFTËN RUSE, KREMLINI: BËHUNI GATI PËR DESTABILIZIM TË TREGJEVE GLOBALE

Kremlini ka paralajmëruar sot se tavani që Perëndimi i ka vënë çmimit të naftës ruse do të destabilizojë tregjet globale të energjisë.

Zëdhënësi Dmitry Peskov është shprehur se Rusia po përgatitet që t’i përgjigjet lëvizjes së G7-s dhe aleatëve për të ndaluar shtetet dhe kompanitë që të bëjnë tregti me naftën ruse nga deti, për të cilat çmimi është mbi 60 dollarë për fuçi, raporton Reuters.

“Rusia dhe ekonomia ruse e kanë kapacitetin e nevojshëm për të përmbushur plotësisht nevojat dhe kërkesat e operacionit special ushtarak”, tha Peskov sot kur u pyet nëse tavani që i është vendosur çmimit do të ndikonte në luftën që po bëhet në Ukrainë.

Ai shtoi se, në fakt, tavani për çmimet do të destabilizojë plotësisht tregjet globale të energjisë, ndërsa i paralajmëroi europianët që të përgatiten për çmime më të larta.

Nafta e papërpunuar Brent u rrit me 1.7% në 87.01 dollarë për fuçi të hënën, pasi BE-ja vendosi të miratonte çmimin tavan për naftën e eksportuar nga Rusia.

Të fundit