Ushtria ruse është urdhëruar të tërhiqet nga qyteti kyç i Khersonit në Ukrainë. Gjenerali rus Sergei Surovikin tha se urdhri është dhënë pasi nuk është më e mundur të vazhdohej të furnizohej më ushtria.
Kjo lëvizje do të thotë se tashmë ushtria ruse është tërhequr tërësisht nga bregu perëndimor i lumit Dnipro. BBC shkruan se kjo është një goditje e rëndësishme pasi Rusia është duke u përballur me një kundërofensivë të Ukrainës.
Njoftimi erdhi menjëherë pasi mediat ruse raportuan se nënkryetari i Khersonit, Kirill Stremousov, ishte vrarë në një aksident automobilistik.
Edhe pse përparimi i ushtrisë ukrainase ishte ngadalësuar javët e fundit, furnizimi i ushtrisë ruse në atë rajon, përgjatë lumit Dnipro, ishte bërë gjithnjë e më i vështirë pasi raketat ukrainase shkatërruan disa ura të lumit.
Përpara tërheqjes së ushtrisë, Rusia zhvendosi mijëra civilë nga qyteti me anije.