Presidenti i Kosovës, Hashim Thaçi ka thënë se ka mirëpritur ftesën e Shtëpisë së Bardhë për takimin e ndërmjet përfaqësuesve të Kosovës dhe Serbisë ditën e enjte.
“E duartrokas udhëheqjen e Shtëpisë së Bardhë, presidentin, Donald Trump dhe ambasadorin Richard Grenell për të bashkuar përsëri [në një takim] Kosovën dhe Serbisë në kërkim të një marrëveshjeje për paqe. E inkurajoj delegacionin e Kosovës për të bërë hapa të guximshëm drejt paqes, pajtimit dhe prosperitet ekonomik”, ka shkruar Thaçi në Twitter.
I applaud the leadership of the #WhiteHouse, President @realDonaldTrump & Amb @RichardGrenell to bring #Kosovo & #Serbia together again, in pursuit of a peace deal. I encourage the Kosovo delegation to make courageous steps twds peace, reconciliation & economic prosperity
— Hashim Thaçi (@HashimThaciRKS) September 3, 2020
Para fillimit bisedimeve të paralajmëruara mes Kosovës dhe Serbisë në Shtëpinë e Bardhë në Uashington, i dërguari i posaçëm i presidentit amerikan për dialogun, Richard Grenell ka thënë se populli i Kosovës dhe i Serbisë meriton normalizim ekonomik dhe mundësi për të krijuar një ekonomi gjallëruese.
“Sot jam i përqendruar te të rinjtë që duan një karrierë, një punë të mirë dhe një lidhje me Perëndimin”, ka thënë Grenell përmes një postimi në rrjetin social Twitter.
The people of Kosovo and Serbia deserve economic normalization and the chance to create a vibrant economy. Today I am focused on the young people who want a career, a good job and a connection to the West.
I’ve heard you. And I will push hard for you. Let’s put politics aside!
— Richard Grenell (@RichardGrenell) September 3, 2020
Në Shtëpinë e Bardhë sot (e enjte) pritet të takohen kryeministri i Kosovës, Avdullah Hoti, dhe presidenti i Serbisë, Aleksandar Vuçiq.
Nikoqirë të takimit do të jenë këshilltari amerikan për Siguri Kombëtare i Shtëpisë së Bardhë, Robert O’Brien, si dhe i dërguari i posaçëm i presidentit amerikan për bisedimet Kosovë-Serbi, Richard Grenell.