Nga Enver Robelli
Në një ese në numrin e fundit të së përjavshmes gjermane DIE ZEIT nënvizohet se tok me krizën e koronës po kthehen edhe mentalitete të rrezikshme, për shembull pashmangshmëria e viktimës.
Domethënë: le të vdesin pleqtë në mënyrë që të jetojë ekonomia.
Ose: sakrifiko njerëz për kapitalizmin.
DIE ZEIT përmend gazetën zvicerane Neue Zürcher Zeitung, e cila dikur ka qenë një gazetë serioze dhe tani është shpeshherë një zëdhënëse e shumë marrëzive.
Në këtë gazetë brenda pak ditësh janë botuar tri tekste jashtëzakonisht johumane.
Një sipërmarrës thotë: të vdesin pleqtë dhe të shpëtojmë ekonominë nga vetëvrasja.
Një ekonomiste që prezantohet edhe si “influencuese” thotë: jeta vazhdon, prandaj kapitalizmi duhet të mbijetojë.
Një profesor i letërsisë e kundërshton moralin e barazisë.
Domethënë: në këtë krizë nuk duhet të jenë të gjithë të barabartë.
Sepse kjo e rrezikon kapitalizmin dhe pastaj edhe krejt njerëzimin.
Gazetari anglez Jeremy Ëarner (nga Telegraph) mendon se po vdiqën pleqtë, rinohet ekonomia dhe i hiqet barra sistemit pensional.