E martë, 16 Korrik, 2024

Bëni një pushim për kontroll

Maqedonia humb 279 gra çdo vit si rezultat i kancerit të gjirit. 4% e popullsisë femra në Evropë vdes nga e njëjta sëmundje. Tetori është muaji për të rritur ndërgjegjësimin për rreziqet e këtij lloji të kancerit. Përqindja e lartë e viktimave tregon që gratë nuk kanë dijeni se secila prej tyre mund të gjendet në këtë listë të zezë.

Autor: Katerina Topalova

Ky lloj kanceri zhvillohet në indin e gjirit. Kjo është rritje e qelizave anormale që mund ti sulmojnë dhe dëmtojnë indet normale. Nuk ka rregull se ku fillon saktësisht. Gunga mund të gjendet në pothuajse çdo pjesë të gjirit. Arsyet janë të paqarta. Ai paraqitet në përqindje të madhe në vendet më të zhvilluara.

Pacienti nuk është fajtor për sëmundjen. Askush nuk “meriton” një diagnozë metastatike dhe kjo nuk do të thotë që gruaja ka bërë zgjedhje të gabuara të stilit të jetesës ose nuk e ka detektuar aq herët sa duhet. Disa lloje të kancerit të gjirit janë thjesht më agresivë se sa të tjerët.

Të qenit i sëmurë duket ndryshe për çdo grua. Për shkak se gratë me kancer metastatik të gjirit shpesh mund të ndryshojnë regjimin e tyre të trajtimit, efektet e trajtimit ndryshojnë gjithashtu. Marramendje, gërdi,  dhimbje dhe problemet e gjumit janë shqetësimi më i zakonshëm. Dhe si te të gjithë, ka ditë të mira dhe të këqija.

Me ndërtimin e vetëdijes dhe edukimit për kancerin metastatik të gjirit, si dhe korrigjimin e disa prej perceptimeve të gabuara zakonisht për sëmundjen, hedh dritën e panevojshme mbi pacientët dhe familjet e tyre. Të jetosh me kancer metastatik të gjirit merr një “tatim” të madh si për pacienten, ashtu edhe për familjen e saj, si psikologjikisht ashtu edhe fizikisht. Njerëzit mund të ndjehen të vetmuar dhe të stigmatizuar përshkak të sëmundjes, ose të ndjehen si humbës në një farë mënyre. Depresioni dhe ankthi mund të jenë të pa vërejtur. Miqtë dhe anëtarët e familjes gjithashtu kalojnë nëpër shumë vështirësi. Mbështetja më e madhe nga miqtë, familja dhe mjedisi i gjerë mund të jenë të rëndësishme, si dhe rritja e ndërgjegjësimit dhe edukimit për kancerin metastatik të gjirit në përgjithësi. Ka shumë burime që janë në dispozicion për të mësuar dhe kuptuar më shumë për sëmundjen.

Mbrojtja e shëndetit tuaj do të thotë të bëni vetë-kontrollime. Ndërgjegjësimi për gjijtë mund t’ju ndihmojë të dini se si duket gjiri juaj normal. Nëse keni një gungë, bëni një takim te mjeku juaj, por mos u frikësoni, shumica e gungave nuk paraqesin kancer. Ndryshimet që ju duhet të shikoni përfshijnë:

Gungë ose trashje në gjinjtë ose në afërsi të tyre ose në pjesën e nënsqetullës

Ndryshim në madhësinë ose formën e gjinjve

Errësim ose rrudhim i lëkurës së gjirit

Thithka e gjirit tërhiqet brenda gjirit

Rrjedhje lëng nga thithi i gjirit
Lëkura e thatë, e kuqe ose e fryrë e gjinjve, thithkave ose areolës (sipërfaqja e errët e lëkurës në qendër të gjinjve

Të gjitha gratë midis moshës 50 dhe 69 vjeç që nuk kanë simptoma kanë mundësinë që të bëjnë një mamografi falas për të kontrolluar kancerin e gjirit në fazën e tyre paraklinike. Përparësi u jepet grave që janë thirrur, por nuk kanë sigurim të rregulluar.

Mjekët janë decid se ende nuk është gjetur një barë kundër kancerit të gjirit. Ajo që apelohet vazhdimisht për popullatën femër është që gjithmonë të gjejnë kohë për shëndetin e vet. Në jetën tuaj, bëni një pauzë për kontroll, pauzë për jetën. Gjinjtë e femrës janë më shumë sesa gjinj.

Të fundit